Kıran ayın 21-dä, Baurçu Başlankı şkolada geçti regional uroktan dışarı meropriyatiya - «Gagauziya - benim evim».
Meropriyatiya geçti neetlän zenginnetmää üürenicilerin sözünü, dilini, bilgilerini gagauz halkın için, istoriya sayfalarını aaraştırarak; terbietmää uşaklarda sevgi gagauz dilimizä, kulturamıza, istoriyamıza, adetlerimizä; terbietmää üürenicilerdä hatır hem sevgi bizim Vatanımıza, Bucaamıza.
Meropriyatiyanın pay alannarı hoş buluştular baurçu çeketmä okulun kanalında, “gün gündän” programasında.
Studiyaya teklif edildi Sofi babu, büük yaştan bir insan, hem bay Yorcu, babunun umudu hem daya, angısınnar bu geçmiş oluşları da taa doorudan açıkladılar.
Studiyaya teklif edildi baurcu çeketmä okulun ansamblisi dä - “Yıldızçıklar”, türküylän “Kasım”.
Uşaklar bir teatru kıpımı gösterdilär, angısı gagauzların adetlerini açıkladı; üürenicilär annattılar, ani biz lääzım çalışalım memleketimizi korumaa, zenginnetmää bizim ana tarafımızı. Ko insan Bucakta yaşasın kısmetli, saalıklı hem sevgili.
Yortu bitti gözäl türküylän «Gagauziya - bizim Vatanımız».